अध्यात्म म्हणजे केवळ पूजा-अर्चा किंवा कर्मकांड आहे का? अध्यात्म म्हणजे फक्त वृद्ध लोकांसाठीचा मार्ग किंवा सगळं सोडून संन्यास घेणे असे तुम्हालाही वाटते का? 'ग्रंथप्रेमी पॉडकास्ट'च्या या विशेष भागात 'अमृताचे डोही' YouTube चॅनलच्या संचालिका आणि निरूपणकार संध्या सप्रे यांच्याबरोबर आपण वेद, उपनिषदे आणि भगवद्गीता या विषयावर चर्चा केली आहे. वेदान्त विचार आणि ज्ञान आजही कसे relevant आणि उपयोगी आहे हे अत्यंत सोप्या भाषेत त्यांनी सांगितले आहे. अर्धांगवायूच्या (Paralysis) दोन गंभीर झटक्यांवर मात करत अध्यात्माच्या बळावर पुन्हा उभी राहण्याची त्यांची प्रेरणादायी कहाणी, संसारात राहून नीतिमत्तेने संपत्ती मिळवणे गैर कसे नाही, व्यावहारिक जगात आत्मसन्मानासाठी अहंकाराची गरज कधी पडते आणि दैनंदिन आयुष्यातील ताणतणाव कमी कसा करावा, हे जाणून घेण्यासाठी हा भाग शेवटपर्यंत नक्की पहा! या भागातील महत्त्वाचे मुद्दे: • वेदांचे ४ भाग आणि उपनिषदांचे महत्त्व • मोक्षाची खरी संकल्पना • अध्यात्माची खरी व्याख्या • अहंकार - शत्रू की मित्र? • कर्म आणि पुनर्जन्म सिद्धांत • तरुणांसाठी जीवन व्यवस्थापन