നെയ്യാറ്റിന്‍കരയില്‍ ദുരൂഹമായി മരിച്ച ഗോപന്‍ എന്ന 69- കാരനെ കുടുംബം രഹസ്യമായി അടക്കിയ കല്ലറ മതവികാരത്തെ ആളിക്കത്തിക്കുന്ന 'സമാധിസ്ഥാന'മായി മാറുകയാണ്. കല്ലറ പൊളിച്ച് ഗോപന്റെ മരണകാരണം അന്വേഷിക്കാനെത്തിയ പൊലീസിന് എതിര്‍പ്പിനെതുടര്‍ന്ന് മടങ്ങേണ്ടിവന്നു. അന്ധവിശ്വാസങ്ങള്‍ എളുപ്പം പടര്‍ന്നുപിടിക്കുന്ന മണ്ണായി ഇപ്പോഴും കേരളം തുടരുകയാണ്. കാലങ്ങളായി നമ്മുടെ യു.ഡി.എഫ്- എല്‍.ഡി.എഫ് സര്‍ക്കാറുകള്‍ 'പരിഗണിച്ചു'കൊണ്ടിരിക്കുന്ന അന്ധവിശ്വാസ നിരോധന നിയമവും സമാനമായ സമാധി അവസ്ഥയില്‍ തന്നെയാണ്.
