വികസനത്തിന്റെ പേരിൽ തുടർഭരണമെന്ന പ്രതീക്ഷ മുന്നോട്ടുവെക്കുന്ന എൽ.ഡി.എഫ് സർക്കാറിന്റെ കാലത്ത് വികസനത്തിന് അനിവാര്യമായ സാമൂഹിക നീതിയ്ക്ക് എന്തു സംഭവിച്ചു എന്ന പരിശോധനയാണ് ഈ സംഭാഷണം. ഭൂപരിഷ്കരണം മുതൽ കേരളം തുടർന്നുപോരുന്ന ദലിത്- ഗോത്ര സമൂഹങ്ങളുടെ എക്സ്ക്ലൂഷൻ എങ്ങനെയാണ് വിവിധ മേഖലകളിൽ കഴിഞ്ഞ പത്തു വർഷത്തിനിടെ രൂക്ഷമായതതെന്നും വിശദമാക്കുന്നു.

നിയമസഭാ തെരഞ്ഞെടുപ്പിൽ എൽ.ഡി.എഫ്- യു.ഡി.എഫ് സാധ്യതകളും പ്രധാന വോട്ടിങ് ട്രെന്റുകളും സമഗ്രമായി പരിശോധിക്കുന്നു. ബി.ജെ.പി ഫാക്ടർ, മലബാർ മേഖലയിലെ മണ്ഡലങ്ങളിലെ രാഷ്ട്രീയ പ്രവണതകൾ, ജാതി- മത- സാമുദായിക വിലപേശലുകൾ, മുന്നണികളും മുഖ്യശത്രുക്കളും, സി.പി.എം വിട്ട നേതാക്കളും അവരെ മുൻനിർത്തിയുള്ള യു.ഡി.എഫിന്റെ ‘സ്വതന്ത്ര’ പരീക്ഷണങ്ങളും തുടങ്ങിയ വിഷയങ്ങൾ ചർച്ച ചെയ്യുന്നു: ദാമോദർ പ്രസാദ്, എം.പി. പ്രശാന്ത്, പ്രമോദ് പുഴങ്കര, മനില സി. മോഹൻ, കെ. കണ്ണൻ. Editors Assembly.

പ്രിയ ജോസഫിൻ്റെ ആദ്യ കഥാസമാഹാരമാണ് മാണീം ഇന്ദിരാഗാന്ധീം. പഠിക്കുന്ന കാലത്ത് കഥകളെഴുതിയിരുന്ന ഒരാൾ മൂന്ന് പതിറ്റാണ്ടിനു ശേഷം വീണ്ടും കഥകളെഴുതുകയും അത് സമാഹാരമായി പുറത്തിറക്കുകയും ചെയ്യുമ്പോൾ സമയവും ദേശവും കാലവും കഥാകൃത്തിൽ വലിയ മാറ്റങ്ങളാണ് വരുത്തിയത്. തൻ്റെ ജീവിതത്തിൽ പല തരത്തിൽ വന്ന മനുഷ്യരേയും സന്ദർഭങ്ങളെയും കഥകളിലൂടെ അനശ്വരമാക്കുക കൂടിയാണ് പ്രിയ ചെയ്യുന്നത്. ആ അനുഭവങ്ങളിലൂടെയും സന്ദർഭങ്ങളിലൂടെയും ഉള്ള യാത്രയാണ് ഈ സംഭാഷണം.

യു.എസ്- ഇസ്രായേൽ ആക്രമണം ഇറാന്റെ ഭാവിയെക്കുറിച്ച് ഉയർത്തുന്ന ചോദ്യങ്ങൾ. അമേരിക്കൻ സാമ്രാജ്യത്വം മൂലധന വ്യവസ്ഥയെന്ന നിലയിൽ ലോകക്രമത്തിൽ ഉണ്ടാക്കുകയും നേരിടുകയും ചെയ്യുന്ന പ്രതിസന്ധികൾ. ഇറാന്റെ പ്രത്യാക്രമണം മിഡിലീസ്റ്റിലുണ്ടാക്കുന്ന പ്രത്യാഘാതങ്ങൾ. ഇസ്‌ലാമിലും ഇസ്‌ലാമിക മേഖലയിലും ഈ യുദ്ധമുണ്ടാക്കുന്ന പ്രതികരണങ്ങൾ. ഇന്ത്യയുടെ 'തന്ത്രപരമായ' നിശ്ശബ്ദത. ഗൾഫിലെ കേരളീയ പ്രവാസി സമൂഹത്തിന്റെ ആശങ്കകൾ. സമഗ്രമായി ചർച്ച ചെയ്യുന്നു.കെ.ടി. കുഞ്ഞിക്കണ്ണൻ, പ്രമോദ് പുഴങ്കര, എം.പി. പ്രശാന്ത് / മനില സി. മോഹൻ, കെ. കണ്ണൻ.

ഒരു തിങ്കളാഴ്ച വൈകുന്നേരം. രോഗിയെ പരിശോധിച്ചു കൊണ്ടിരിക്കുന്നതിനിടയിൽ ഡോക്ടർക്ക് സഹിക്കാനാവാത്ത കാൽ വേദന. അടുത്ത ദിവസങ്ങളിൽ ഡോക്ടർക്ക് കടുത്ത രക്താർബുദമാണെന്ന് സ്ഥിരീകരിക്കപ്പെടുന്നു. പ്രശസ്തനായ കാർഡിയോളജിസ്റ്റ് ഡോ. ദീപക് തെക്കൂട്ടിൻ്റെ ജീവിതം പിന്നീട് മാറിമറയുകയാണ്. ഡോക്ടറുടെ വൈറ്റ് കോട്ടിൽ നിന്നും ഹോസ്പിറ്റൽ ഗൗണിലേക്ക് പെട്ടെന്നൊരു റോൾ റിവേഴ്സൽ.ഡോ. ദീപക് എഴുതിയ അതിജീവനത്തിൻ്റെ കഥ, Silk and Clay, ക്രിയേറ്റീവ് നോൺ ഫിക്ഷനിലെ ശ്രദ്ധേയമായ പുസ്തകമായി ചർച്ച ചെയ്യപ്പെടുകയാണിപ്പോൾ. തൃശൂരിൽ നിന്നും ലണ്ടനും സ്കോട്ട്ലൻഡും താണ്ടി ഒടുവിൽ ബ്രൂക്ക്ലിനിലെത്തിയ ഒരു ഡോക്ടറുടെ ജീവിതയാത്രകൾ. ട്രാൻസ്പ്ലാൻ്റിന്, ബോൺമാറോ മാച്ചിനു വേണ്ടിയുള്ള, ഒടുവിൽ തികച്ചും അന്യനും അപരിചിതനുമായ ഇറ്റലിക്കാരൻ ആൻഡ്രൂവിൽ എത്തിച്ചേർന്ന അന്വേഷണം. ഒരു സയൻ്റിസ്റ്റിൻ്റെ മരണാസന്ന ചിന്തകളിൽ കയറി വന്ന ആത്മീയ ചിന്തകളുടെ വൈരുധ്യങ്ങൾ. ഒരു കാൻസർ രോഗി, ഏകാന്ത നിമിഷങ്ങളിൽ അനുഭവിക്കുന്ന ട്രോമയുടെ കഠിനാനുഭവങ്ങൾ, സ്വപ്നങ്ങൾ. ന്യു യോർക്കിലെ Maimonides Medical Center ലെ പ്രശസ്തനായ ഇൻ്റർവെൻഷനൽ കാർഡിയോളജിസ്റ്റ് ആയ ഡോ. ദീപക്ക് തെക്കൂട്ടുമായി കമൽറാം സജീവ് സംസാരിക്കുന്നു. രണ്ടു ഭാഗങ്ങളിലായുള്ള ഈ അഭിമുഖം ഒരേ സമയം ഡോക്ടറും രോഗിയുമായിരിക്കുമ്പോഴുള്ള മനഷ്യാവസ്ഥയിലേക്കുള്ള സങ്കീർണമായ ഒരന്വേഷണം കൂടിയാണ്.

എങ്ങനെയാണ് ലൈംഗികാക്രമണം നേരിടുന്ന സ്ത്രീകളെ സിസ്റ്റം പല തലത്തിൽ തടയുന്നത് എന്ന് തൻ്റെ അനുഭവങ്ങളിലൂടെ തുറന്ന് പറയുകയാണ് ഡോ: ആശ ആച്ചി ജോസഫ്. ചലച്ചിത്ര പ്രവർത്തകയും അധ്യാപികയും WCC സ്ഥാപക അംഗവുമായ ഡോ: ആശ ആച്ചി ജോസഫ്, IFFK സെലക്ഷൻ ജൂറി അംഗമായിരിക്കുന്ന സമയത്താണ് ജൂറി ചെയർമാനായ പി.ടി. കുഞ്ഞുമുഹമ്മദിൽ നിന്ന് ലൈംഗികാതിക്രമം നേരിട്ടത്. കഴിഞ്ഞ ദിവസങ്ങളിൽ അവർ തനിക്ക് നേരിട്ട അതിക്രമത്തെക്കുറിച്ച് എഴുതുകയും ഐഡൻ്റിറ്റി വെളിപ്പെടുത്തി മാധ്യമങ്ങളോട് തുറന്ന് സംസാരിക്കുകയും ചെയ്തിരുന്നു. പരാതി തരൂ എന്നും അവൾക്കൊപ്പം എന്നും പറയുന്ന സർക്കാർ - നിയമ സംവിധാനങ്ങൾ, അതിജീവിതരോട് ഒട്ടും മമതയില്ലാതെയാണ് പെരുമാറുന്നത് എന്നും നീതിക്കു വേണ്ടിയുള്ള പോരാട്ടം തന്നെ നീതിനിഷേധമായി മാറുന്ന സാഹചര്യമാണ് നിലനിൽക്കുന്നത് എന്നും ഡോ: ആശ ഈ സംഭാഷണത്തിൽ പറയുന്നു. സർക്കാർ സംവിധാനങ്ങളും നിയമ വ്യവസ്ഥയും കുറ്റകൃത്യത്തിന് സമാനമായ നിശ്ശബ്ദതയിലൂടെയും സ്വജനപക്ഷപാതിത്വത്തിലൂടെയും കടന്നുപോകുന്നതിനെ നിശിതമായി വിമർശിക്കുകയാണ് അതിജീവിത. ഒപ്പം സീറോ ടോളറൻസ് ടു സെക്ഷ്വൽ ഹരാസ്മെൻ്റ് എന്ന മുന്നേറ്റത്തിന് നേതൃത്വം നൽകുക കൂടിയാണ് ഡോ. ആശ ആച്ചി ജോസഫ്.

കേരളം അതിദാരിദ്ര്യമുക്ത സംസ്ഥാനമായി പ്രഖ്യാപിക്കപ്പെട്ട പാശ്ചാത്തലത്തിൽ, അതിദാരിദ്ര്യത്തിന്റെയും ദാരിദ്ര്യത്തിന്റെയും യാഥാർത്ഥ്യങ്ങളെക്കുറിച്ച് ജോൺ കുര്യനുമായുള്ള സംഭാഷണം. അതിദരിദ്രരെ നിർണയിച്ച രീതിശാസ്ത്രത്തിന്റെ പ്രശ്നങ്ങൾ, അടിസ്ഥാന ജനവിഭാഗങ്ങളുടെ എക്സ്ക്ലൂഷൻ, രാഷ്ട്രീയ പ്രൊപ്പഗാണ്ടയാക്കപ്പെടുന്ന അതിദാരിദ്ര്യം, വലതുപക്ഷ വെൽഫെയർ പൊളിറ്റിക്സിന്റെ പ്രയോഗം, പ്രഖ്യാപനവുമായി ബന്ധപ്പെട്ട് ചോദ്യങ്ങളുന്നയിച്ച സാമ്പത്തിക- സാമൂഹ്യശാസ്ത്ര വിദഗ്ധരോടുള്ള സർക്കാറിന്റെയും ഇടതുപക്ഷത്തിന്റെയും കടുത്ത അസഹിഷ്ണുത എന്നിവ ചർച്ച ചെയ്യുന്നു. ജോൺ കുര്യനുമായി മനില സി. മോഹൻ, കെ. കണ്ണൻ എന്നിവർ സംസാരിക്കുന്നു.

ആധുനിക കേരളത്തിൻ്റെ സാംസ്കാരിക ചരിത്രം കേരള കലാമണ്ഡലത്തിൻ്റെ ചരിത്രം കൂടിയാണ്. ഒരു നൂറ്റാണ്ട് പൂർത്തിയാക്കാനൊരുങ്ങുന്ന കലാമണ്ഡലത്തിൻ്റെ ഇപ്പോഴത്തെ വൈസ് ചാൻസലർ പ്രൊഫ. ബി. അനന്തകൃഷ്ണൻ ട്രൂകോപ്പി തിങ്കിനോട് കലാപരവും അക്കാദമികവും രാഷ്ട്രീയവും സാമൂഹികവുമായ തൻ്റെ നിലപാടുകൾ പങ്കുവെക്കുന്നു. ഒരു കലാസ്ഥാപനം എങ്ങനെയൊക്കെ മാറിത്തീരേണ്ടതുണ്ട് എന്നതിൻ്റെ വിഷൻ രണ്ട് ഭാഗങ്ങളായുള്ള ദീർഘാഭിമുഖത്തിൽ അദ്ദേഹം പറയുന്നുണ്ട്. വിശ്വാസത്തിൻ്റെ കെട്ടുപാടുകളിൽ നിന്ന് യുക്തിയുടെ തുറവിയിലേക്ക് കലയും സ്ഥാപനവും മാറുക എന്നതാണ് അടിസ്ഥാനപരമായി വേണ്ടത് എന്ന് പ്രൊഫ. അനന്തകൃഷ്ണൻ പറയുന്നു.

ഈ സഹസ്രാബ്ദത്തിൽ ക്രിസ്തുവിനെ ഏറ്റവും കൂടുതൽ പ്രതിഫലിപ്പിച്ചിട്ടുള്ളത് ഫ്രാൻസിസ് മാർപ്പാപ്പയാണ് എന്നു പറയുകയാണ് പാപ്പായുടെ മലയാളത്തിലെ ജീവചരിത്രകാരനും തിയോളജിയനുമായ ഫാദർ ജേക്കബ് നാലുപറയിൽ. പാപ്പാ അവതരിപ്പിച്ച സിനഡാലിറ്റി എന്ന ആശയം എന്തായിരുന്നുവെന്നും ജീവിത ദർശനം എന്തായിരുന്നുവെന്നും വിശദീകരിക്കുകയാണ് അഭിമുഖത്തിൻ്റെ രണ്ടാം ഭാഗത്തിൽ.

കേരളത്തിലെ ഒരു തൊഴിലാളി സമൂഹം എങ്ങനെ ജീവിക്കുന്നു എന്നതിന്റെ തിളയ്ക്കുന്ന ഉദാഹരണം പെരുമ്പാവൂരിൽ കാണാം. ആസാമിൽനിന്ന് മീൻ കൊണ്ടുവന്ന് കച്ചവടം ചെയ്യുന്ന ഒരു ആസാമീസ് തൊഴിലാളിയുണ്ട് പെരുമ്പാവൂരിൽ. ചിലർ വന്ന് അദ്ദേഹം വിൽക്കാൻ വെച്ചിരിക്കുന്ന മീൻ മൊത്തം എടുത്ത് എറിഞ്ഞുകളയും. നട്ടുച്ച സമയത്ത് പലതവണ കേരളത്തിൽ സംഭവിച്ചതാണിത്. ഇതൊരു സാമ്പത്തിക നഷ്ടം മാത്രമല്ല, വലിയൊരു ഷോക്ക് കൂടി ആ തൊഴിലാളിയിലുണ്ടാക്കുന്നുണ്ട്. കേരളത്തിലെ അന്തർസംസ്ഥാന തൊഴിലാളികൾക്ക് എന്തുകൊണ്ട് ഇന്നും ഒരു 'അദൃശ്യ സമൂഹ'മായി ജീവിക്കേണ്ടിവരുന്നു എന്ന ചോദ്യത്തിനുള്ള ഉത്തരം കൂടിയാണ് എം.ജി യൂണിവേഴ്സിറ്റി നടത്തിയ പഠനം. ANRF പ്രൊജക്റ്റ് പ്രിൻസിപ്പൽ ഇൻവെസ്റ്റിഗേറ്റർ ഡോ. ബിജുലാൽ എം.വി, പ്രൊജക്റ്റ് അസോസിയേറ്റ് നവാസ് എം. ഖാദർ എന്നിവരുമായി കെ. കണ്ണൻ സംസാരിക്കുന്നു.

കേരളത്തിന്റെ തൊഴിൽസേനയുടെ 18- 25 ശതമാനം വരുന്ന 35 ലക്ഷത്തോളം അന്തർ സംസ്ഥാന തൊഴിലാളികളുടെ ജീവിതം സമഗ്രമായി അന്വേഷിച്ച ഒരു ഗവേഷണപഠനത്തിന്റെ കണ്ടെത്തലുകളെക്കുറിച്ചാണ് ഈ സംഭാഷണം. കേരളത്തിന്റെ ഭരണകൂട സംവിധാനങ്ങളെയും തൊഴിൽ സംസ്‌കാരത്തെയും സാമൂഹിക- സാംസ്‌കാരിക ജീവിതത്തെയും നിശിതവിചാരണയ്ക്ക് വിധേയമാക്കുന്ന വെളിപ്പെടുത്തലുകളാണ്, എം.ജി യൂണിവേഴ്‌സിറ്റിയിലെ പഠനവകുപ്പുകൾ നടത്തിയ ഈ അന്വേഷണത്തിന്റെ ഉള്ളടക്കം. ANRF പ്രൊജക്റ്റ് പ്രിൻസിപ്പൽ ഇൻവെസ്റ്റിഗേറ്റർ ഡോ. ബിജുലാൽ എം.വി, പ്രൊജക്റ്റ് അസോസിയേറ്റ് നവാസ് എം. ഖാദർ എന്നിവരുമായി കെ. കണ്ണൻ സംസാരിക്കുന്നു.

മലങ്കാട്' എന്ന സ്വന്തം ആത്മകഥ മൂന്നാറിലെ തോട്ടം തൊഴിലാളികളുടെ കൂടി ആത്മകഥയായി മാറിയ അനുഭവം പറയുകയാണ് പ്രഭാഹരന്‍ കെ. മൂന്നാര്‍. ഇന്നും തോട്ടമുടമയുടെ 'സ്വന്തം ഭൂമി'യായി തുടരുന്ന മൂന്നാറിനെക്കുറിച്ചും തൊഴിലവകാശങ്ങളില്‍ ഫലപ്രദമായി ഇടപെടാത്ത തൊഴിലാളി യൂണിയനുകളെക്കുറിച്ചും സ്വന്തമായി ഒരുതുണ്ട് ഭൂമിയില്ലാത്ത തൊഴിലാളികളെക്കുറിച്ചും ഭരണകൂടങ്ങളുടെ വഞ്ചനകളെക്കുറിച്ചും, കെ. കണ്ണനുമായുള്ള അഭിമുഖത്തില്‍ പ്രഭാഹരന്‍ സംസാരിക്കുന്നു.

ടെസ്റ്റ് ക്രിക്കറ്റിലെ മോഡേൺ ഡേ ക്ലാസിക് എന്നാണ് ഇംഗ്ലണ്ട് ഇന്നലെ ജയിച്ച ലീഡ്സ് ടെസ്റ്റ് വിലയിരുത്തപ്പെടുന്നത്. കേവലമൊരു പരീക്ഷയായിരുന്നില്ല ഇത് ഇന്ത്യക്ക്, അഗ്നിപരീക്ഷ തന്നെയായിരുന്നു. ഉജ്വലമായ അഞ്ച് സെഞ്വറികൾ ഉണ്ടായിരുന്നിട്ടും 20 വിക്കറ്റുകൾ എടുക്കുന്നതിൽ ഇന്ത്യ പരാജയപ്പെട്ടു. ഇന്ത്യയുടെ ബൗളിംഗ് കഴിവുകേട് പിച്ചിൽ മാത്രമല്ല, പ്ലെയിംഗ് ഇലവനെ തിരഞ്ഞെടുക്കുന്നതിലും പ്രതിഫലിച്ചു. എഡ്ജ്ബാസ്റ്റണിലേക്ക് രണ്ടാം ടെസ്റ്റിനെത്തുന്ന ഇംഗ്ലണ്ട് ടീം ഒന്നു കൂടെ കരുത്തരായിരിക്കുമെന്നും ബോളിംഗ് ഡിപ്പാർട്ട്മെൻ്റിൽ വൻ മാറ്റങ്ങൾ വരുത്തുന്നില്ലെങ്കിൽ ഇന്ത്യയുടെ അവസ്ഥ കൂടുതൽ പരിതാപകരമാകുമെന്നും പറയുകയാണ് പ്രശസ്ത അന്താരാഷ്ട്ര ക്രിക്കറ്റ് ലേഖകനായ ദിലീപ് പ്രേമചന്ദ്രൻ കമൽറാം സജീവുമായുള്ള ഈ സംഭാഷണത്തിൽ.

അടിയന്തരാവസ്ഥയുടെ രാഷ്ട്രീയ പ്രതീകമാണ് കക്കയം ക്യാമ്പിൽ വെച്ച് പൊലീസ് മർദ്ദനത്തിൽ കൊല്ലപ്പെട്ട രാജൻ. രാജനെ പോലീസ് പിടിച്ചു കൊണ്ടു പോയതു മുതൽ അച്ഛൻ പ്രൊഫ. ടി.വി. ഈച്ചര വാര്യർ രാജനെ അന്വേഷിച്ച് നടന്നത് രാഷ്ട്രീയ കേരളത്തിന്റെ ചരിത്രം കണ്ടതാണ്. രാജന്റെ സഹോദരി പി. രമാദേവി സംസാരിക്കുന്നു, അനുജനെക്കുറിച്ചും അച്ഛനെക്കുറിച്ചും. ഒപ്പം ഈച്ചരവാര്യരുടെ ‘ഒരച്ഛന്റെ ഓർമക്കുറിപ്പുകൾ’ എന്ന പുസ്തകത്തിലെ ഭാഗങ്ങളും.

ഒരു ആൾക്കൂട്ടത്തിനിടയിൽ ഒരിക്കലും മെസ്സിയെ തിരിച്ചറിയാൻ പറ്റുമായിരുന്നില്ല. ബാഴ്സലോണയുടെ ജൂനിയർ ടീമുകൾക്ക് കളിക്കുമ്പോൾ തുടക്കത്തിൽ മെസ്സിക്ക് മിണ്ടാൻ കഴിവില്ലെന്ന് കൂട്ടുകാർ തെറ്റിദ്ധരിക്കുക പോലും ചെയ്തു. അർജന്റീനയിൽ, ചെ ഗുവേര ജനിച്ച റൊസാരിയോവിൽ തന്നെ പിറന്ന മെസ്സിയുടെ മൈതാനത്തിലെ കഴിവുകൾ സൃഷ്ടിപരമായിരുന്നെങ്കിലും വ്യക്തി എന്ന നിലയിൽ ലജ്ജാലുവായിരുന്നു ഇയാൾ..

എന്റെ പ്രതിസന്ധി ഘട്ടങ്ങളിൽ അതിജീവിക്കുവാൻ കരുത്ത് പകർന്നത് അവനാണ്. പിന്നീട് പലപ്പോഴും ആലോചിച്ചുണ്ട്, അവന്റെ നിയോഗം എന്തായിരുന്നുവെന്ന്? ഒരു നിർണായകഘട്ടത്തിൽ എന്നെ വഴിതിരിച്ചുവിടാൻ എന്നല്ലാതെ മറ്റൊരുത്തരം കിട്ടാറില്ല.

മലപ്പുറം പെണ്ണിന്റെ ആത്മകഥ എന്ന പുസ്തകത്തെ മുൻനിർത്തി എഴുത്തുകാരിയും അധ്യാപികയുമായ ഷംഷാദ് ഹുസൈൻ സംസാരിക്കുന്നു.

ഏതാണ്ട് കേരളത്തോളം ജനസംഖ്യയുള്ള ഉസ്ബെക്കിസ്ഥാനും കേരളത്തിൻ്റെ പകുതിപോലും ജനസംഖ്യയില്ലാത്ത ജോർദാനും 2026 ഫിഫ ഫുട്ബോൾ ലോകകപ്പിന് ക്വാളിഫൈ ചെയ്തു കഴിഞ്ഞു. ഫുട്ബോളിലെ ഇന്ത്യൻ ദുരന്തം അങ്ങേയറ്റത്ത് എത്തിയിരിക്കുകയാണ്. ഏഷ്യൻ ഫുട്ബോൾ ഭൂപടത്തിൽ ഇന്ത്യ ഇത്രക്ക് അപ്രസക്തമാവാൻ കാരണങ്ങൾ എന്തൊക്കെയാണ്? ആസന്ന ഭാവിയിൽ, ശ്രദ്ധിക്കപ്പെടുന്ന, ഒരു ഫുട്ബോൾ ടീം ഇന്ത്യക്ക് സ്വപ്നം കാണാൻ കഴിയുമോ? ഐ എസ് എല്ലിന് ഇന്ത്യൻ ഫുട്ബോളിൻ്റെ വളർച്ചക്ക് ഒന്നും ചെയ്യാൻ കഴിയാത്ത് എന്തുകൊണ്ട്? പ്രശസ്ത അന്താരാഷ്ട്ര ഫുട്ബോൾ ലേഖകനായ ദിലീപ് പ്രേമചന്ദ്രനും കമൽറാം സജീവും സംസാരിക്കുന്നു.

കോഹ്‌ലിയും രോഹിതും ഇല്ലാത്ത ഇന്ത്യൻ ടീം ചർച്ചക്ക് ചൂടുപിടിച്ചിരിക്കുകയാണ്. ശുഭ്മാൻ ഗില്ലിന്റെ ക്യാപ്റ്റൻസിയിൽ എന്തായിരിക്കും ഇന്ത്യ ഈ പരമ്പരയിൽ ചെയ്യുന്നത്? കാലാവസ്ഥ, പരിചയം, കഴിവ് ഇങ്ങനെ റിസൾട്ടിന്റെ ഫാക്ടേഴ്സ് നിരവധിയാണ്. നിരവധി തവണ അന്താരാഷ്ട്ര വേദികളിൽ ടെസ്റ്റ് ക്രിക്കറ്റ് റിപ്പോർട്ട് ചെയ്തിട്ടുള്ള ദിലീപ് പ്രേമചന്ദ്രൻ കമൽറാം സജീവുമായി സംസാരിക്കുന്നു.

ഉപഭോക്താവ് എന്ന നിലയിൽ നിന്ന് പൗരരായും അഭിപ്രായ സ്വാതന്ത്ര്യമുള്ള വ്യക്തികളായും വായനക്കാരെ സ്വതന്ത്രരാക്കുക എന്ന ശ്രമമാണ് പുസ്തകത്തിന്റെ സ്വതന്ത്രജീവിതം ആരെങ്കിലും കാംക്ഷിക്കുന്നുണ്ടെങ്കിൽ, അവർ ആരംഭിക്കേണ്ടത്- പി.എൻ. ഗോപീകൃഷ്ണൻ എഴുതുന്നു.