ਕੌਫਸ ਹਾਰਬਰ ਦੇ ਜੰਮਪਲ 28 ਸਾਲਾ ਹਰਮਨਦੀਪ ਸਿੰਘ ਸਿੱਧੂ ਰੂਰਲ ਫਾਇਰ ਸਰਵਿਸ ਨਾਲ ਕਾਫੀ ਲੰਬੇ ਸਮੇਂ ਤੋਂ ਸੇਵਾ ਦੁਆਰਾ ਜੁੜੇ ਹੋਏ ਹਨ। ਉਨ੍ਹਾਂ ਨੂੰ ਉਸ ਸਮੇਂ ਚੁਣੌਤੀ ਦਾ ਸਾਹਮਣਾ ਕਰਨਾ ਪਿਆ ਜਦੋਂ ਇੱਕ ਭਿਆਨਕ ਬੁਸ਼ਫਾਇਰ ਨਾਲ ਨਜਿੱਠਦੇ ਹੋਏ ਉਨ੍ਹਾਂ ਦੀ ਇੱਕ ਸਾਥੀ ਵਲੰਟੀਅਰ ਬੇਹੋਸ਼ ਹੋ ਗਈ। ਹਰਮਨਦੀਪ ਨੇ ਨਾ ਸਿਰਫ ਉਸ ਨੂੰ ਮੌਕੇ 'ਤੇ ਹੀ ਮੁੱਢਲੀ ਸਹਾਇਤਾ ਪ੍ਰਦਾਨ ਕੀਤੀ, ਬਲਕਿ ਉਸ ਨੂੰ ਲੰਬੀ ਡਰਾਈਵ ਕਰਦੇ ਹੋਏ ਸੁਰੱਖਿਅਤ ਸਥਾਨ 'ਤੇ ਵੀ ਪਹੁੰਚਾਇਆ ਜਿਸ ਨਾਲ ਉਸ ਦੀ ਜਾਨ ਬਚਾਈ ਜਾ ਸਕੀ।
