ਲਹਿੰਦੇ ਪੰਜਾਬ ਨੂੰ ਪ੍ਰਬੰਧਾਂ ਦੇ ਪੱਖ ਤੋਂ ਇੱਕ ਵਾਰ ਫਿਰ ਵੰਡ ਦਿੱਤਾ ਗਿਆ ਹੈ। ਇਸ ਸਬੰਧੀ ਸਰਕਾਰੀ ਨੋਟੀਫਿਕੇਸ਼ਨ ਵੀ ਹੋ ਚੁੱਕਾ ਹੈ, ਜਿਸ ਤੋਂ ਬਾਅਦ ਹੁਣ ਪੰਜਾਬ ਵਿੱਚ ਜ਼ਿਲ੍ਹਿਆਂ ਦੀ ਗਿਣਤੀ 36 ਤੋਂ ਵੱਧ ਕੇ 41 ਹੋ ਗਈ ਹੈ। ਡਵੀਜ਼ਨਾਂ 9 ਦੀ ਬਜਾਏ ਹੁਣ 10 ਹੋ ਗਈਆਂ ਹਨ ਤੇ ਤਹਿਸੀਲਾਂ ਦੀ ਗਿਣਤੀ ਵੀ ਵੱਧ ਗਈ ਹੈ। ਇਸ ਨੋਟੀਫਿਕੇਸ਼ਨ ਤਹਿਤ ਗੁਜਰਾਤ ਸ਼ਹਿਰ ਨੂੰ ਡਿਵੀਜ਼ਨ ਅਤੇ ਮੈਟਰੋਪੋਲੀਟਨ ਦਾ ਦਰਜਾ ਦੇ ਦਿੱਤਾ ਗਿਆ ਹੈ। ਸਾਰੀਆਂ 10 ਡਿਵੀਜ਼ਨਾਂ ਦੇ ਨਾਮ ਇਸ ਪ੍ਰਕਾਰ ਹਨ ਲਾਹੌਰ, ਰਾਵਲਪਿੰਡੀ, ਗੁਜਰਾਤ, ਗੁਜਰਾਂਵਾਲਾ, ਫੈਸਲਾਬਾਦ, ਸਰਗੋਧਾ, ਮੁਲਤਾਨ, ਸਾਹੀਵਾਲ, ਡੇਰਾ ਗਾਜ਼ੀ ਖਾਨ, ਅਤੇ ਬਹਾਵਲਪੁਰ। ਇਸ ਨਵੇਂ ਨੋਟੀਫਿਕੇਸ਼ਨ ਵਿਚ ਰਾਵਲਪਿੰਡੀ ਦੀ ਤਹਿਸੀਲ ਮਰੀ ਅਤੇ ਅਟਕ ਸ਼ਹਿਰ ਦੇ ਇਲਾਕੇ ਤਲਾਗੰਗ ਨੂੰ ਨਵੇਂ ਜ਼ਿਲ੍ਹਿਆਂ ਦਾ ਦਰਜਾ ਦਿੱਤਾ ਗਿਆ ਹੈ। ਹੋਰ ਵੇਰਵੇ ਲਈ ਸੁਣੋ ਇਹ ਰਿਪੋਰਟ....