వాతావరణ కాలుష్యాన్ని నివారించే దిశగా ప్రపంచ దేశాలు తీసుకుంటున్న అనేక నిర్ణయాలలో అతి ముఖ్యమైనది పెట్రోల్ కార్ల నిషేధం. నేటి మన దైనిందిక జీవితాలలో కారు ఒక ముఖ్య భాగమైపోయింది. కారు లేకపోతే కాలు బయటకు పెట్టే పరిస్థితి లేదు. ఈ నేపథ్యంలో పెట్రోల్ కార్లు నిషేధిస్తే, ముందు, ముందు మన గతేంటి అనే ఆలోచన అందరిలోనూ మెలగకపోదు. పెట్రోల్ కార్ల స్థానంలో హైబ్రిడ్ కార్లు, ఎలక్ట్రిక్ కార్లు ఇప్పటికే మార్కెట్ లో ప్రవేశించాయి.
